Du kan sjølv velje kva språk barnet ditt skal ha som fyrste opplæringsmål i skulen. I Noreg er det nesten 200 nynorskklassar på bokmålsskular, mellom anna er det nynorskklassar i dei største byane i landet. Desse klassane har kome til fordi foreldre har ynskt at ungane skal lære nynorsk som hovudmål frå fyrste klasse.

Kva er ein parallellklasse?
Ein nynorsk parallellklasse er ein heilt vanleg klasse der opplæringsmålet er nynorsk, medan bokmål er vedteke som opplæringsmålet for skulen. Nynorskklassen har nett den same undersvininga i alle fag som bokmålsklassen, bortsett frå at all undervisning er på nynorsk. Det finst nynorskklassar på bokmålsskular i Oslo, Bergen, Trondheim, Stavanger, Haugesund, Namsos, Mosjøen og mange andre stader, og talet på nynorskklassar i byane veks kvart år.

Kontakt Mållaget!
Om du vil ha hjelp eller meir informasjon, kan du ta kontakt med Trønderlaget på ola.stemshaug@hf.ntnu.no eller Noregs Mållag på telefon 22 47 71 00. Vi kan også hjelpe deg med å undersøkje kor mange det er ved din skule som kunne tenkje seg nynorsk som opplæringsmål for borna sine. Vi kan òg hjelpe til med å skipe møte, skaffe materiell, gje rettleiing om rettar og lovverk.

Kvifor nynorsk opplæringsmål?

Korleis velja nynorsk?

Om parallellklassar