Mål og Makt handlar mest om målsak og kulturstrid. Dei snakkar med folk som er interessante, trekkjer ned buksene på dei som fortener det og inviterer gode skribentar inn i spaltene.

Kontakt oss

Det beste er å skrive til oss på e-post malogmakt@malogmakt.no eller i vanleg brev til Mål og Makt, Pb 285 Sentrum, 0103 Oslo.

Telefon: 23 00 29 40 (vi er sjeldan der, men Målungdomen kan ta i mot meldingar.

Om tidsskriftet

Mål og Makt kjem ut 3-4 gongar i året, og ei årstinging kostar berre 150 kr. Ta kontakt med oss på e-post malogmakt@malogmakt.no eller i eit brev om du ynskjer å tinge bladet.

Vi har avtale med NBF Tidsskriftformidlinga, Norli og Swets om samfakturering for bibliotek og andre institusjonar.

ISSN-nr: 0332-7744. Org.nr. 970 552 006 MVA.

Historia

Mål og Makt vart gjeve ut fyrste gong i 1934, men sovna raskt att. Etter 1934 gav Studentmållaget ut fleire aviser og blad, men noko nytt tidsskrift etter same lesten vart det ikkje før på 70-talet.

Sentrum og Periferi vart gjeve ut fyrste gong i 1971 og skulle vera eit målpolitisk tidsskrift i motsetnad til lagsavisa Fram og avisa til Norsk Målungdom, Målfront. Namnet vart valt i tråd med kampen mot sentraliseringa, men skifta året etter namn til Mål og Makt, eit blad som òg vart gjeve ut på 1930-talet. Det var ikkje planen at dette skulle verta eit periodisk måltidsskrift, men etter kvart gjekk det slik, sidan interessa for tiltaket var stor. Tidsskriftet kom ut fire gonger i året med eit samla opplag på 1500 og hadde sitt eige skriftstyre. Mållag og ungdomslag over heile landet kjøpte samla inn 7-800 eksemplar av kvart nummer og tingar-talet auka til eit brukande nivå. Mål og Makt heldt det gåande utover 1980- og 90-talet, med store endringar i redaksjonen og innhaldet fyrst i 1990 og så i 1998 og 2003. Fram til 1998 var bladet fyrst og fremst eit målteoretisk tidsskrift, men etter det store hamskiftet liknar bladet no meir på 30-talsbladet med same namn.