Kvifor Norsk Målungdom?

Vil du framleis ha eit levande ordskifte om nynorsken? Vil du sikra at nynorskelevane framleis skal ha dei same rettane som bokmålselevane? Vil du vera med på å arbeida for å betra sidemålsundervisninga i skulen? Vil du arbeida for at folk skal velja å skriva nynorsk og snakka dialekt? Då er Norsk Målungdom organisasjonen for deg.

I dag kan du nytta nynorsk og dialekt i so godt som alle samanhengar. Dette er ikkje noko som har kome av seg sjølv.

• For 150 år sidan skreiv alle i Noreg dansk.
• For 50 år sidan ville det vore utenkjeleg å tala dialekt i radioen.
• For 30 år sidan hadde ikkje nynorskelevane lovfest rett til å få lærebøkene på eige mål.

Slik er det heldigvis ikkje i dag, takk vere arbeidet til Norsk Målungdom og resten av målrørsla. Korleis framtida skal sjå ut er opp til deg!

Ver med i Norsk Målungdom og stri for:

• Lik rett til utdanning!
  Nynorskelevar må få dataprogram og andre læremiddel på eige mål.
• Kulturelt mangfald!
  Dei norske målføra er ein viktig del av det internasjonale kulturmangfaldet. Nei til kulturell einsretting og bokmålisering av dialektane!
• Framleis obligatorisk sidemål
  Å læra både nynorsk og bokmål gjev eit sjølvstendig grunnlag for å kunna ta eit sjølvstendig val mellom språka. Åtak på sidemålet er åtak på jamstellinga mellom nynorsk og bokmål.

Dette får du som medlem i NMU:

• Medlemsbladet Motmæle fire gonger i året.
• Medlemskap i Noregs Mållag og avisa deira, Norsk Tidend, fire gonger i året
• 10% rabatt på Kaffistova i Oslo
• 15% rabatt på Bondeheimen i Oslo, Hordaheimen i Bergen og Saga Hotell i Tromsø.
• 10% rabatt på Heimen husflid
• 20% rabatt på Det Norske Teatret
• Tilbod om å vera med på kurs og tilskipingar i Norsk Målungdom, til dømes: Målstridkonferanse, sumarleir, studentsamling og vinterleir.

Ver med i den einaste ungdomsorganisasjonen som arbeider for nynorsk og dialektar - meld deg inn i Norsk Målungdom! Det kostar berre 30 kroner fyrste året.