Kvart lokallag har rett til å senda to eller fleire utsendingar til landsmøtet. Utsendingsretten vert rekna ut frå medlemstalet i laget. Talet på medlemer vert rekna ut frå medlemstalet 31.12.2009 i tillegg til nye medlemer i 2010 som har svara medlemspengar. Det tyder at eit lag kan auka utsendingsretten sin ved å verva fleire nye medlemer og få dei til å svara pengar før årsmøtet til laget. Skrivarstova har opplysningar om medlemstal om de er usikre sjølve.
Lokallag har òg høve til å senda observatørar til landsmøtet. Alle utsendingar frå lokallaga skal veljast på årsmøte eller medlemsmøte.
Utsendingsrett for dei einskilde laga er som fylgjer:
| Medlemer | Utsendingar |
|---|---|
| 5–10 | 2 |
| 11–25 | 3 |
| 26–40 | 4 |
| 41–60 | 5 |
| 61–90 | 6 |
| 91–150 | 7 |
| 151+ | 8 |
Utsendingane har røysterett når dei har svara medlemspengar, det er betalt landsmøtepengar for utsendingen og laget har sendt inn årsmelding for 2009. Landsmøtepengane er 500 kroner i 2010.