Program for lokallagskurs 2006

FREDAG

Sosialt program for dei som er komne

 

LAURDAG 26. august

10.00-12.00 Fellespunkt: Å driva eit godt lokallag

• Kva er rolla til styremedlemene?
  Jens Morten Nilsen er leiar i Studentmållaget i Nidaros, og har røynsle frå to år i landsstyret. Han veit kva som skal til for at eit styre skal fungera!
   
• Kva kan laget gjera?
  Vebjørn Sture er leiar i tilskiparlaget Målsiddisane, som vann prisen for Årets lokallag 2005. Lir laget ditt av idétørke, eller treng tips til kule aksjonsformer, er Vebjørn den rette å spørja!

 

12.00-13.00 Mat

 

13.00-15.00 Parallelle kurs

• Medietrening
  Å skaffa spalteplass til seg sjølv og laget sitt er slett ikkje vanskeleg. Og ein får mykje att for det! Dette er kurset for deg som er usikker i møte med media, eller som vil ha tips til korleis ein frontar sakene best mogleg. Eit særleg nyttig kurs for deg som er leiar eller nestleiar.
   
• Maktkamp: Korleis skaffa seg reell påverknad
  Lurer du på korleis du får sakene dine gjennom? Kva metodar som unge aktivistar kan bruka for å få det som dei vil? Det finst nemleg mange ulike strategiar for ulike målgrupper.
   
• Slik held du nynorskkurs 1
  Å halda nynorskkurs er populært mellom lokallaga. Her lærer du korleis du kan halda ditt eige kurs, utan å henta hjelp utanfrå. Kurset går over båe dagane.

 

15.00-15.30 Pause

 

15.30 Parallelle studiepunkt

• Kva byggjer arbeidet vårt på?
  NMU meiner mykje om mangt: EU, morsmålsopplæring, bibliotek. Kvifor? Kva står det eigentleg i tufta?
   
• Knus sidemålsmotstanden!
  Lei av at klassekameratar og lærarar er negative til sidemål? Her lærer du korleis du vinn sidemålsordskiftet!
   

 

Middag og sosialt samvere
Underhaldning og mykje moro

 

SUNDAG 27. august

10.00-11.30 Parallelle kurs

• Slik vert du ein supervervar!
  Verving til NMU er noko av det viktigaste ein kan gjera. På dette kurset får du gode tips og råd til korleis ein går fram.
   
• Økonomi
  Føra rekneskap, laga budsjett, skaffa pengar til laget – her får du svar på det du lurer på. Dette kurset passar særleg godt for deg som er økonomiandsvarleg eller skrivar
   
• Slik held du nynorskkurs 2

 

11.30-12.30 Mat

 

12.30-14.00 Haustkampanjen: Haldningar

Haustkampanjen til målungdomen handlar om å snu dei negative haldningane til nynorsk. Under dette punktet får du som lokallagsaktivist vera med på å utforma kampanjen slik du vil han skal vera. Her får du bruka fantasien og alt du har lært i helga!
 

Praktisk informasjon

Tid: 26.-27. august (høve til å koma om fredagen)
Stad: Stavanger

Pris: Gratis (deltakarane dekkjer reisa sjølve)

Ta med: Skrivesaker, sovepose/liggjeunderlag og varme klede

Påmelding: Skjemaet under, eller på telefon 23 00 29 40